null Nuvttá prevenšuvnna geahččaleapmi ovdána Lappis – prevenšuvdnabuktagat bohtet juohkinláhkái pilohtagielddaide

Nuvttá prevenšuvnna geahččaleapmi ovdána Lappis – prevenšuvdnabuktagat bohtet juohkinláhkái pilohtagielddaide

Nuvttá prevenšuvdnabuktagiid juohkin álgá dahje dat viiddiduvvo guoskat buot vuollel 25-jahkásaš nuoraid 1.11.2022 Eanodagas, Giemas, Giemajávrris, Soađegilis ja Durdnosis. Dát gielddat leat mielde riikkaviidosaš nuvttá prevenšuvnna geahččaleamis. Geahččaleapmi guoská buot vuollel 25-jahkásaččaid ja das váldojit vuhtii buot sohkabealit ja prevenšuvdnavuogit. Nuorra oažžu nuvttá prevenšuvnna juogo prevenšuvdna- dahje seksuáladearvvasvuođarávvehagas dahje skuvlla- ja oahppidearvvasvuođafuolahusas.

Soađegilis nuvttá prevenšuvdna lea ovdal guoskan vuollel 20-jahkásaš nuoraid. Prevenšuvdnabuktagiid juohkimii leat váldon mielde prevenšuvdnaloastarat ja njálbmeseaksasuojit. Soađegilis buot vuollel 25-jahkásaš nuorat, maiddái geaid ruoktobáikegoddi ii leat Soađegilli, ožžot nuvttá prevenšuvnna ja seksuálarávvema buresveadjinguovddáš Sopukka seksuáladearvvasvuođarávvehagas. Áiggi sáhttá várret rávvehaga doaimmahagas nummáris 040 583 5744 vu–du 8–16 ja be 8–14.

Eanodagas prevenšuvdnabuktagiid juohkimii bohtet mielde p-pilleriid, spirála dahje kápsela lassin prevenšuvdnaloastarat- ja rieggát sihke njálbmeseaksasuojit ja kondomat. Nuvttá prevenšuvdna guoská buot vuollel 25-jahkásaš nuoraid Eanodagas. Nuorra oažžu nuvttá prevenšuvnna Heahtá ja Gárasavvona dearvvašvuođastašuvnnas ja Gilbbesjávrri siidodoaibmabáikkis. Áiggi sáhttá várret dearvvasvuođadivššáris Heahtá dearvvasvuođastašuvnnas nummáris 0400 921 849 dahje 040 356 5461 ja maid Gárasavvona dearvvašvuođastašuvnnas ja Gilbbesjávrri siidodoaibmabáikkis nummáris 040 825 8036 má–duo dbm 8–15 ja be 8–13 riŋgemiin dahje teakstadieđuin.

Seksualitehtii ja prevenšuvdnii sáhttá oahpásnuvvat sámegillii maiddái Álbmotlihtu seksuálavuođa sátnegirjji vehkiin. (Liŋka rahpasa ođđa siidui, luđenliŋkkat davvisáme-, anáraš- ja nuortalašgielat sátnegirjái leat siiddu loahpas.)

Vuollel 25-jahkásaš nuoraid nuvttá prevenšuvnna geahččaleami vuođđun lea ráđđehusprográmma ja dat lea oassi Boahtteáiggi sode-guovddáš -fitnu. Geahččaleami stivre Sosiála- ja dearvvasvuođaministeriija ja doarju ja koordinere Dearvvasvuođa- ja buresveadjinlágádus. Mielde geahččaleamis lea Lappi lassin 14 buresveadjinguovllu ja Helsset. Geahččaleami vehkiin guovlluin ja gielddain lea vejolašvuohta ovddidit ja oktiiheivehit nuoraide oaivvilduvvon viiddis seksuáladearvvasvuođabálvalusaid, nu ahte dat sisttisdollet áhpehisvuođa ja seaksadávddaid eastadeami, seksuála- ja lassánandearvvasvuođa ovddideaddji rávvema ja seksuálabajásgeassima. Geahččaleami ulbmiliin lea kártet ja ohcat buriid ja bures doaibmi vuogádagaid ja árvvoštallat bohtosiid. Bargiid máhttu ja gelbbolašvuohta nannejuvvo geahččaleamis ovdamearkka dihte skuvlejumiid ordnemiin.   

Ollašuhttin guovlluin dáhpáhuvvá ovddidanfierpmádaga bokte, man doarjjan lea máŋggafágalaš áššedovdijoavku. Guovllu ovddideaddjifierpmádagas leat mielde gielddaid oktavuođaolbmot. Fitnu doarjagiin oktavuođaolbmot plánejit ja álggahit nuvttá prevenšuvnna ollašuhttima iežaset gielddas. Nuoraid prevenšuvdnabálvalusaid ovddideapmái leat váldon mielde nuorat dain gielddain mat leat mielde geahččaleamis . Nuoraide lei jearahallan ja ásahuvvui nuoraid ovddidanfierpmádat. Bálvalusaid olahahttivuođa ovddideapmi nuoraid oainnus leat ovddidandoaibman boahttevaš plánenmuttuin ja nu maid elektrovnnalaš áššiid dikšun ja bálvalusrávvema sisdoaluid ovddideapmi. Ulbmilin lea hukset seammalágan, guovlluide oaivvilduvvon nuoraid eastadanbálvalusaid doaibmamálle.

Lue maksuttoman ehkäisyn tiedotteet suomeksi:

 

Lassedieđut

Aino Riihimäki
Plánejeaddji, sámegielat ja kultuvrralaš bálvalusat
Tel. 040 660 2064
aino.riihimaki@poske.fi
Raba oktavuohtadieđui

 

Lisätietoja

Mervi Pirkola
Terveyden edistämisen erityisasiantuntija
mervi.pirkola@poske.fi

Avaa henkilökortti