SámiPoske, Poske Sämiohtâdâh

Tave-Suomâ sosiaalsyergi mättimkuávdáá väldikodálâš sierânâspargon lii sämmilij pyereestvaijeempalvâlusâi ovdedem. Sämiohtâdâh huolât tast oovtâst Poske eres tuáimeiguin. Sämiohtâdâh tuáimá haaldâtlávt Sämitige ohtâvuođâst, mii máhđulist šiev oovtâstpargo já sämmilij vaiguttemmáhđulâšvuođâid ovdedempargoost.

Sämiohtâduv koskâsâš ulmen lii sämmilij sosiaal- já tiervâsvuođâpalvâlusâi finnim pyeredem, siskáldâslâš já kvaliteetlâš ovdedem, vaigutteijeevuođâ árvuštâllâm sehe toid lohtâseijee tutkâmuš- já škovlimtárboid västidem. Sämiohtâdâh taha viärmádâhoovtâstpargo syergi virgeomâháiguin já viggá ovdedem- já tutkâmhaavâi peht ovdediđ sämikielâlij já kulttuurmiäldásij palvâlusâi tile. Vuosâsajasâš toimâkuávlu lii sämmilij päikkikuávlu, mutâ toos lasseen viggeh ovdediđ sämmilii palvâlemmáátu já ovdedem väldikodálávt. Tehálâš ulmen lii meid ovdediđ já nanodiđ sämmilij sosiaal- já tiervâsvuođâaššijd kyeskee tave-eennâmlii sämioovtâstpargo.

Pargoviehâ:
•    vuáđupargoviehâ: má. vuávájeijee, kote parga tääl Iänuduvâst
•    stivrimjuávkkun tuáimá Sämitige sosiaal- já tiervâsvuođâlävdikodde (liŋkkâ lekkâs uđđâ laasân)

Čujottâs:

Sämitigge
Sajos
99870 Aanaar