SámiPoske, Poske Sámeossodat

Davvi-Suoma sosiálasuorggi máhttinguovddáža riikkaviidosaš sierrabargu lea ovddidit sápmelaččaid buresbirgejupmebálvalusaid. Sámeossodat fuolaha das ovttas Poske eará doibmiiguin. Sámeossodat doaibmá hálddahuslaččat Sámedikki oktavuođas, mii dahká vejolažžan buori ovttasbarggu ja addá sápmelaččaide vejolašvuođa váikkuhit ovddidanbargui.

Sámeossodaga guovddáš mihttomearri lea buoridit sámiid sosiála- ja dearvvašvuođabálvalusaid fidnašuvvama, gárgehit sisdoalu ja kvalitehta, árvvoštallat váikkuheami ja vástidit dáidda laktáseaddji dutkamuš- ja skuvlendárbbuide. Sámeossodat dahká fierpmádatovttasbarggu dán suorggi eiseválddiiguin ja viggá ovddidan- ja dutkamušfitnuid bokte ovddidit sámegielat bálvalusaid dili kultuvrra mielde. Váldodoaibmaguovlu lea sámiid ruovttuguovlu, muhto lassin vigget ovddidit sámi bálvalanmáhtu ja ovddideami riikkaviidosaččat. Dehálaš mihttomearri lea maid ovddidit ja nannet sámiid sosiála- ja dearvvašvuođaáššiide guoski davviriikkalaš sámeovttasbarggu.

Bargoveahka:
•    vuođđobargoveahka: má. plánejeaddji, guhte bargá dál Eanodagas.
•    stivrenjoavkun doaibmá Sámedikki sosiála- ja dearvvašvuođalávdegoddi

Čujuhus:
Davvi-Suoma sosiálasuorggi máhttinguovddáš, Sámeossodat
Duottar-Lappi luondduguovddáš
Peuratie 15
99400 Eanodat

Sámediggi
Sajos
99870 Anár

Lydia Heikkilä

Lydia Heikkilä, Suunnittelija / ma. Plánejeaddji
lydia.heikkila@samediggi.fi | 040 592 55 31 | Avaa henkilökortti